Vinnukvöld í Hellisskógi
Dagana 1. og 2. júní 2016. Mæting kl.20:00 við hliðið fyrra kvöldið og við Hellinn það síðara. Fyrra kvöldið verður plantað 30 pottaplöntum til að minnast 30 ára plöntunarafmælis í Hellisskógi. Hafið með stunguskóflur. Síðara kvöldið verður plantað bakkaplöntum.

Aðalfundur 2016
Aðalfundur Skógræktarfélags Selfoss var haldinn miðvikudaginn 13. apríl kl. 20 í starfsmannahúsi Skógræktarfélags Árnesinga á Snæfoksstöðum.
Á dagskrá voru venjuleg aðalfundarstörf. Kynning á skipulagi við Hellinn.

Vélvæðing í göngustígagerð
Í júní hefur megin áhersla verið á endurnýjun og uppbyggingu göngustígakerfisins. Lengst af hafa 2-3 menn unnið við stígagerðina og nú er ofaníburði í eldri stíga að mestu lokið. Ólafur Hákon stýrir verkum. Til að létta mönnum verkin hefur félagið fengið vélknúnar hjólbörur og stóra kerru til að flytja efni og áhöld. Á myndinni eru stjórnarmenn að prufukeyra hjólbörurnar.

Vinnukvöld í Hellisskógi Dagana 28. og 30. maí 2013 mættu nokkrir félagar í Skógræktarfélaginu og plöntuðu og bára á. Fyrra kvöldið mættu 10 félagsmenn og plöntuðu 480 sitkagreni- og 480 birkiplöntum vestan við Hellinn. Síðara kvöldið mættu 6 og plöntuðu 210 elri plöntum, 40 skógarfurum og 140 alaskaöspum. Plantað var á svipuðum slóðum vestan við Hellinn. Í júní og júlí verður vinnuflokkur í Hellisskógi undir stjórn Ólafs Hákons Guðmundssonar. Einkum verður unnið við gerð og viðhald á göngustígum en einnig almenn skógarvinna. Undanfarnar vikur hefur Björgvin Örn Eggertsson unnið við grisjun skógarins. Mikil vinna er framundan í grisjun og viðhaldi, en slíkt er einkum á færi fagmanna með undirstöðu þekkingu og viðeigandi verkfæri. Efri myndin er af Björgvin, Guðmundi og Hermanni fyrra plöntunarkvöldið og myndin til hliðar af Björgvin við grisjunarstörf. Ljósm: Örn Óskarsson

Eldri fréttir

• Yfirlitsmyndir úr Hellisskógi

• Skógrækt Ríkisins
• Skógræktarfélag Íslands