Byrjað var að planta trjám í Hellisskóg við Selfoss árið 1986. Skógræktarfélag Selfoss hefur séð um framkvæmdir en Selfossbær á landið. Svæðið var frá upphafi skipulagt sem útivistarsvæði og snemma byrjað að leggja göngustíga. Nú er stígakerfið í skóginum um 8 km að lengd og mikið notaðir af göngufólki. Hér eru myndir af einum göngustígnum teknar 1990, 2002, 2019 og 2022. 33 ára tímabil og breytingin er mikil. Þrisvar sinnum hefur verið bætt efni í stíginn á þessu tímabili einusinni skipt um brýr. Nú er hann hluti af bláu gönguleiðinni í Hellisskógi. Þar sem menn börðust áður á móti vindi ganga menn nú í logni.