Þann 15. september tók Skógræktarfélag Selfoss á móti alþjóðlegum hópi nemenda frá “International School of Zug and Luzern” í Sviss (ISZL). Hópur frá þessum sama skóla kom líka í Hellisskóg á síðasta ári og líkaði greinilega vel svo þau komu aftur með 25 nemendur. Fjórir kennarar voru með hópnum. 

Ásamt því að vinna dagstund í Hellisskógi þá vinna þau að skógrækt á Snæfoksstöðum og ofan við Hveragerði.

Nemendurnir plöntuðu 50 um 1 m háum pottaplöntum af ýmsum reynitegundum og nokkrum broddhlynum, meðfram göngustíg í norðvestur hluta Hellisskógar. Jafnframt fengu þau fræðslu um tré og skógrækt á Íslandi. Flottur hópur og skógræktarfélagið þakkar kærlega fyrir vinnuna.